Овој потфат го овозможиле сателити од констелацијата Сентинел од проектот Коперникус кои континуирано ја снимаат површината на нашата планета за промените на неа да можат детално да се проучуваат.
Така сателитите го снимиле и напредокот на изградбата на Пељешки мост кој ги спојува Комарна на копното и Бријест на полуостровот Пељешац. Мостот е вкупно долг 2.404 метри, што е сосема доволно од сателитите убаво да се види како бил создаван, од првите столбови, преку одделните сегменти, па сè до целосното спојување.
Pelješac Bridge? construction timelapse 2018-2021 #Croatia #peljeskimost #sentinel2 @sentinel_hub @CopernicusLand @CopernicusEMS pic.twitter.com/NuenYngnyb
— HUKM (@cro_crisis_mgmt) July 30, 2021
Хрватското здружение за кризен менаџмент на својот профил на Твитер објави снимка од овие сателити, снимена во период од 2018 до 2021 година.
Сателитите на констелацијата Сентинел во рамки на европскиот проект Коперникус континуирано ја снимаат површината на Земјата. Два сателити Сентинел 2 се наоѓаат во поларна орбита синхронизирана со Сонцето, на далечина од 180 степени еден од друг.
На овој начин еден од тие сателити над секоја област на Земјата минува на секои пет дена, а камерите на нив во секој момент покриваат околу 290 километри ширина од површината на Земјата. На средните географски ширини фреквенцијата на снимките може да биде и до 2-3 дена, што овозможува многу детално бележење на какви било промени на тлото.
