Космонаутот Александар Мисуркин ќе известува за секојдневната рутина на орбиталната станица и ќе го „споделува искуството од прва рака“ од животот на ИСС, изјави за ТАСС шефот на Роскосмос, Дмитриј Рогозин.
„Специјалниот просветителски и едукативен проект на Роскосмос и ТАСС се очекува да ја популаризира активноста на Русија во вселената“.
Мисуркин на 8 декември ќе влезе во ИСС со прес-карта на дописник, како дел од заедничкиот договор потпишан од генералниот директор на ТАСС Сергеј Михаилов и Рогозин.
„Ја разгледавме идејата дека вселената може да биде цел на нашето проширување на вестите“, рече Михаилов.
Нивното соопштение дојде еден ден откако руската војска потврди дека тестирала оружје за уништување сателити. НАСА и САД го осудија тестот како „опасен и неодговорен“ за членовите на екипажот на ИСС.
Екипажот на ИСС во понеделникот беше принуден да се засолни во своите летала за враќање на Земјата, откако по рускиот ракетен тест повеќе од 1.500 парчиња вселенско ѓубре се распрснаа во орбитата на Земјата.
Москва ја отфрли загриженоста на САД и го обвини Вашингтон дека и самиот го тестира сопственото вселенско оружје.
