Израелската војска соопшти дека ракетата ја пресретнале батерии за противвоздушна одбрана.
Ракетниот оган би можел да го загрози тримесечното релативно затишје по прекинот на огнот кој беше договорен меѓу Израел и исламистички Хамас.
Одговорноста за проектилот никој веднаш на ја презема.
[video:https://youtu.be/mYmPxEY7Hrc autoplay:0]Ракетата беше испукана неколку часа откако израелски војници се судрија со невооружени Палестинци на другата палестинска територија, окупираниот Западен брег, убивајќи четворица цивили.
Тоа е еден од најсмртоносните судири во таа област по повеќе години.
Судирот изби во Џенина каде тензиите се високи откако Палестинец беше убиен на почетокот на месецот, исто така во судир со израелските сили.
Во најновото пукање покрај четворицата убиени, еден Палестинец е тешко ранет, јави палестинската новинска агенција Вафа, а на израелската страна немало жртви.
Палестинскиот функционер Хусеин ал Шеик го обвини Израел за злосторство и на Твитер ја критикуваше меѓународната заедница за тоа што молчи и што не обезбедила заштита на палестинскиот народ од „угнетувањето“.
