Успеале да отворат еден и пронашле „неколку жртви, но сè уште не го знаеме точниот број“, рече Брехт Спајбрук, портпарол на Канцеларијата на обвинителството за труд во Брисел. Спајбрук додаде дека неговиот тим се подготвува да ги извлече телата од лифтот. „Можеби станува збор за шест исчезнати лица, но можно е да има повеќе во другиот лифт или некаде на друго место“, рече тој.
‼️ Explosion sur la place De Brouckère, les infos que j’ai eu sur place et via les médias …
#explosion #incendie #bruxelles #Debrouckère #Incident pic.twitter.com/qaYLaL9hQA
— Yusuf Yildiz (@yyildiz1030) July 14, 2026
Тој нагласи дека доколку се покаже дека пронајдените тела не им припаѓаат на исчезнатите, ќе мора да се пребара и вториот лифт. „Поради урнатините, условите за работа се многу тешки. Затоа, операцијата за извлекување ќе трае уште неколку часа“, рече тој.
Градоначалникот на Брисел, Филип Клоуз, им се заблагодари на службите за итни случаи за „вршењето извонредна работа во особено тешки околности“. Премиерот Барт де Вевер и белгискиот крал Филип, исто така, го посетија местото на несреќата попладнето, објави белгиската телевизија РТБФ.
Според локалните медиуми, две лица биле однесени во болница со тешки изгореници, а на еден пожарникар му е пружена помош на лице место поради изложеност на високи температури. Кулата Окси, која се наоѓа на само 500 метри од Гранд Плас, централниот плоштад во градот, сè уште е во изградба. По завршувањето, треба да содржи апартмани, хотел, ресторани и барови.
