Избраниците на Игор Илиевски во најголемиот дел од средбата го диктираа темпото, а иако Летонците во второто полувреме накратко поведоа, Македонија брзо ја врати контролата и сигурно го приведе натпреварот до крај.
Мики Лазов и Лука Ѓорѓиевски со по осум погодоци беа лидери во нападот, додека голманот Ѓорѓи Николовски забележа десет одбрани. Во редовите на Летонија најрасположен беше Валдис Калнинс со 17 гола.
Сепак, оваа победа не беше доволна за Македонија да се избори за пласман во борбата за 9. до 16. место, па во продолжението од шампионатот ќе разигрува за пласман од 17. до 24. позиција.
