Според првичните резултати, врз основа на дел преброени гласови, КПО освои 29 отсто од гласовите, со што го презема првото место во тој град.
Инаку КПО само во Грац имаше свои кандидати, а на ниво на Австрија таа партија во последните децении не беше во состојба ни приближно да го стигне цензусот.
На второто место е Народната партија на Австрија (ОВП) со 26 отсто од гласовите, што е за 12 отсто помалку отколку на изборите во 2017 година.
На трето место се Зелените со 17 отсто од гласовите, а на четврто место Социјалдемократската партија (СПО) со 9,8 отсто.
Bei der #btw21 warnen die deutschen Konservativen unermüdlich vor einem #Linksruck – wegen #SPD & #Gruenen. Und dann, gleichzeitig bei der #Grazwahl: die Kommunisten (!) auf Platz 1. News aus den 20ern in den neuen 20ern… ? #KPÖ #Wahl #Graz #grazwahl21 (Quelle: @derStandardat) pic.twitter.com/YTCmAAvAxD
— Lord Hashtag (@hashtag_lord) September 26, 2021
Врз основа на овие резултати Елке Кар би можела да стане првата комунистичка градоначалничка во Австрија.
„Да бидам градоначалник не беше во моите животни планови“, кажа Кар во првата реакција и истакна дека може да замисли коалиција со Зелените и СПО.
Досегашниот градоначалник на Грац Зигфрид Нагл, кој управуваше со градот 18 години, кажа дека го боли најлошиот резултат кој неговата партија ОВП некогаш го остварила во тој град.
