Бликен и папата разговараа околу 40 минути, објави Ватикан. Некои од темите на разговор биле климатските промени, миграцијата, трговија со луѓе итн., според Стејт Департментот.
Последниот пат кога државниот секретар на САД дојде во Ватикан, папата не го прими. Имено, папата тогаш рече дека приемот на државниот секретар Мајк Помпео може да се протолкува како мешање во претстојните избори во САД.
„Лично за мене ова беше голема чест“, изјави Блинкен пред новинарите по состанокот.
„Средбата беше исклучително срдечна. Опфативме голем број теми“, додаде тој.
It was my great honor to meet today with His Holiness @Pontifex in Vatican City. I am extremely grateful for his leadership and commitment to tackling the climate crisis and promoting human rights and human dignity around the world. pic.twitter.com/KetBbGnhBG
— Secretary Antony Blinken (@SecBlinken) June 28, 2021
Блинкен, опишан од соработниците како секуларен Евреин, рече дека е „многу задоволен“ од постапките на папата во врска со пандемијата и бегалците, додавајќи дека е благодарен што не морал да се впушта во внатрешната политика на САД.
Со тоа го избегна прашањето во врска со одлуката на Конференцијата на бискупи на САД, што ја отвора вратата за забрана за причест на политичарите кои го поддржуваат правото на абортус, вклучувајќи го и Бајден.
Пред да се сретне со папата Блинкен ја посети Сикстинската капела.
„Спиритуалната атмосфера, божествената уметност и импресивната архитектура ме оставија без зборови. Навистина зачудувачки“, објави подоцна Блинкен на Твитер.
Today I had the great pleasure of touring the Vatican, including the beautiful Sistine Chapel. The spiritual atmosphere, the divine art, and the impressive architecture left me speechless. Truly stunning. pic.twitter.com/aa1jrzTojV
— Secretary Antony Blinken (@SecBlinken) June 28, 2021
Блинкен е на еднонеделна турнеја, во склоп на која ги посети Берлин, Париз, Рим и Бари. Во понеделникот присуствуваше на состанок на глобалната коалиција од 80 држави во Рим, кои се борат против таканаречената Исламска држава, која се обидува да добие нови упоришта во Африка.
