На видеата објавени утрово на социјалните медиуми се гледаат анархични сцени на Меѓународниот аеродром во Кабул, на кои луѓе се обидуваат да се качат во авион и да избегаат од земјата додека во заднината се слушаат рафални истрели.
Најмалку три лица се убиени во близина на патничкиот терминал на аеродромот, објави Волстрит џурнал. На вознемирувачка снимка објавена на социјалните мрежи се гледа како три тела лежат на земја веднаш пред зградата, најверојатно како последица на паничното стампедо.
Three people were killed in Kabul airport as civilians who rushed into the terminal caused a stampede, following the sounds of heavy gunfire in the distance. pic.twitter.com/lu0erxsHuP
— Ian Miles Cheong @ stillgray.substack.com (@stillgray) August 16, 2021
Американски функционер за Ројтерс изјави дека американските војници задолжени да го обезбедуваат аеродромот утрово пукале во воздух за да ги одвратат стотиците Авганистанци што во паника навалија на пистата.
„Толпата беше надвор од контрола“, рече официјалниот претставник, додавајќи дека „се пукаше само за да се смири хаосот“.
Според Џурнал, американските маринци испукале предупредувачки истрели доцна вечерта во неделата, откако десетици Авганистанци упаднале на аеродромот и се обиделе да се качат на воениот транспортен авион Ц-17.
US Forces taking their positions at the Kabul airport to secure the airport. Some gunfire was reported this morning to control the chaos and crowd. pic.twitter.com/EplmF9MbHQ
— Aditya Raj Kaul (@AdityaRajKaul) August 16, 2021
Американските војници беа испратени на аеродромот за да помогнат во евакуацијата на дипломатскиот персонал и странските државјани со седиште во главниот град на Авганистан.
Хаосот следува по немирната ноќ во градот, кога на аеродромот нагрнаа цивили со надеж дека ќе си обезбедат лет надвор од земјата. На снимките објавени на социјалните медиуми доцна вечерта во неделата се гледаа луѓе како трчаат на аеродромот додека се слушаат истрели.
#Breaking: At least three people have been killed by gunfire at Kabul airport.
Heavy gunfight going on. pic.twitter.com/yxfVnwbMFn
— Ahmer Khan (@ahmermkhan) August 16, 2021
Некои медиуми, цитирајќи високи американски воени претставници, подоцна објавија дека патничките летови на аеродромот се прекинати поради пукањето.
Илјадниците Авганистанци што се обидоа да го напуштат главниот град предизвикаа огромен сообраќаен метеж во неделата, додека новинарите и странските државјани јавуваа дека е невозможно да се излезе од градот.
Поради сликите на американските воени хеликоптери што го одвезуваат персоналот на американската амбасада надвор од Кабул многу експерти и набљудувачи ја споредија хаотичната евакуација со повлекувањето на САД од Сајгон, Виетнам, во 1975 година.
Претседателот Ашраф Гани ја напушти земјата неколку часа откако талибанците во неделата го опколија Кабул. До крајот на денот, милитантите ја контролираа целата земја, по офанзивата што се совпадна со повлекувањето на коалицијата предводена од САД по речиси 20 години војна.
