Ова претставува потег без преседан во Северна Кореја, земјата во која здравјето на врховниот лидер е забранета тема. Главниот телевизиски канал во земјата покажа и снимки на кои се гледа Ким послаб отколку во последните години, пренесува Би-би-си.
Претходно кружеа гласини за здравјето на севернокорејскиот лидер, но ретко кога добија коментар од власта.
In recent state media photos, #Kim has appeared to have lost a considerable amount of weight. https://t.co/azWU6rm78v v @AP #NorthKorea
— Felipe Sahagún (@sahagunfelipe) June 28, 2021
Две неодамнешни снимки, прикажани на државната телевизија, Корејската централна телевизија, наводно меѓу граѓаните предизвикале загриженост за здравјето на врховниот лидер.
Една снимка го покажува пристигнувањето на Ким на концерт на која се гледа дека севернокорејскиот лидер доживеал драматично губење на килограмите.
North Korean leader Kim Jong Un’s apparent weight loss has caused widespread concern among citizens, an unidentified resident of Pyongyang quoted on the country’s state media said after watching recent a video of the leader https://t.co/RhQEqL7dXH pic.twitter.com/82AiJBfMaK
— Reuters (@Reuters) June 28, 2021
Втората и понеобична снимка покажува неименуван граѓанин на Пјонгјанг кој во петокот на главните вести кажал: „Сите многу се натаживме кога го видовме така ослабен. Сите почнаа да плачат“.
Здравјето на врховниот лидер предизвикува загриженост уште откако ја презема должноста од својот покоен татко Ким Џонг Ил во декември 2011. Од тогаш неговата тежина константно растеше.
Се смета дека Ким Џонг Ун има 37 години, познато е и дека е страстен пушач, а наводно и пие големо количество алкохол.
Неговото дебелеење низ години поттикна нагаѓања дека можеби пати од дијабетес. Но бидејќи за здравствената состојба на врховниот лидер никогаш не се зборува на државните медиуми, овие теории никогаш не се потврдија.
Ким Џонг Ун нема јасен наследник и негова смрт или долготрајна неспособност може да доведат до вакум во врвот на државата која има нуклеарно оружје, што би довело до дополнителна нестабилност во источна Азија.
Ако неговата сестра Ким Јо Џонг биде прогласена за неприкладна за преземање на најмоќната позиција во земјата, моќта за првпат може да се префрли надвор од семејството Ким.
