Зборувајќи пред неформалниот самит на лидерите на ЕУ на Кипар, Калас нагласи дека вклучувањето на нуклеарните експерти и справувањето со поширокиот спектар на иранските активности е клучно за успех, објавува Гардијан.
Калас верува дека фокусирањето исклучиво на нуклеарната програма, без соодветна техничка експертиза, би резултирало со полош договор од претходниот. „Ако разговорите се водат само за нуклеарното прашање, без нуклеарни експерти на масата, ќе завршиме со договор послаб од ЈЦПОА“, рече таа, осврнувајќи се на претходниот нуклеарен договор.
Таа исто така нагласи дека другите ирански активности што ја засегаат Европската Унија не треба да се занемарат. „Ако истовремено не ги решиме проблемите во регионот, ракетните програми, поддршката за посредничките сили и хибридните и сајбер активностите во Европа, на крај ќе имаме уште поопасен Иран“, заклучи високата претставничка на ЕУ.
