„Ние не сме битни бидејќи сме родени во Авганистан. Никој не се грижи за нас. Ќе умираме полека во историјата. Нели е тоа смешно?“, кажа пред неколку дена 23-годишната девојка.
“We don’t count because we’re from Afghanistan. We’ll die slowly in history”
Tears of a hopeless Afghan girl whose future is getting shattered as the Taliban advance in the country.
My heart breaks for women of Afghanistan. The world has failed them. History will write this. pic.twitter.com/i56trtmQtF
— Masih Alinejad ?️ (@AlinejadMasih) August 13, 2021
Новинарката и политичка активистка Масих Алинеџад направи интервју со девојката која стана симбол на уништената иднина под талибанска власт.
„Имам 23 години. Да видат талибанците жена како мене, веднаш присилно би ја омажиле за некој од своите борци. Тоа би било силување под маската на бракот. Тоа е нивната верзија на Куранот. Сметаат дека ние жените сме воен плен“, кажа таа.
„Од каде сум? Од Авганистан. Каде сум родена? Во Иран. Каде живеам сега? Тоа не сакам да го кажам. Тие сметаат дека лицата како мене, од Авганистан, се без идентитет. Мојата среќа, мојата тага, моите грижи – тоа не им е важно бидејќи сум од Авганистан. Кога зборувам за оваа ситуација, ме обвинуваат дека го критикувам исламот. Не ми е гајле. Ќе продолжам да го правам тоа што го правам и да укажувам на проблемите на жените“, додаде таа.
My in-depth interview with the Afghan girl who’s heartbreaking crying video become symbol of ‘shattered future’ under Taliban
She’s only 23 years old, full of pain and anger. Please listen to her and be their voice. pic.twitter.com/oUiOe7ApG7
— Masih Alinejad ?️ (@AlinejadMasih) August 17, 2021
Кога новинарката ја праша дали ѝ е страв, 23-годишната девојка вели дека на почетокот ѝ било страв да даде интервју.
„Но, сега најмногу се плашам за своите пријатели кои останаа во Кабул. Таму има жени кои ги водат на силување, а тоа никој не го прикажува. Нема кој да им помогне. Моите солзи можете да ги видите само затоа што сум на безбедно. Релативно гледајќи на безбедно. Никој од нас кој е од Авганистан не е целосно слободен од исламските власти. Така што се грижам за своите пријателки кои не можат да го напуштат Кабул. Ги прашав зошто не заминале порано, а тие одговорија дека не очекувале дека така ќе заврши. Студираа во Иран, а подоцна се вратија во Авганистан“, вели таа.
Новинарката потоа ја прашува што би им порачала на талибанците кога би имала прилика да разговара со нив.
„Не можам да разговарам со такви празноглави луѓе. Талибанците го прават истото како Исламска држава. Ќе смислат своја верзија на Џавад Зариф за да го шармираат светот. Запознаена сум со ситуацијата бидејќи семејството и пријателите постојано ми кажуваат што се случува, жените повеќе не смеат да излегуваат надвор. Би им порачала на жените во светот да размислуваат за иднината, да не го вртат погледот од овој масакр. Не сакам вакви нешта да се случуваат и 40 години од сега. Не паѓајте на талибанците. Денес во Авганистан ги убиваат луѓето како Масих Алинеџад“, кажа девојката.
„Во мојата земја има многу жени како Мишел Обама. Многу се, и силни се како Ангела Меркел. Но сега ќе мора да се поклонат пред шеријатот“, додаде таа.
