Њусом оваа година презеде чекори за да го извиди теренот за потенцијална претседателска кандидатура, добивајќи поддршка во својата партија со тоа што се соочи со републиканскиот претседател Доналд Трамп по низа прашања.
„Со нетрпение очекувам да видам кој ќе се кандидира во 2028 година, кој ќе се осмели да го стори тоа“, рече Њусом во емисијата „Сандеј морнинг“ на Си-би-си њуз. На прашањето дали размислува за кандидирање, Њусом рече: „Да, ќе лажам да кажам поинаку“.
На Трамп му е забрането да се кандидира за трет мандат според Уставот на САД, но сепак ја изнесе идејата, велејќи претходно оваа година дека „постојат начини да се направи тоа“.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025
Њусом ја позиционираше Калифорнија како водечка федерална држава во напорите на Демократската партија да го преобликува Конгресот. Имено, на изборите во 2026 година, тие се обидуваат да бидат што е можно посилен ривал на државите предводени од републиканците во борбата за контрола над Претставничкиот дом на САД, каде републиканците сега имаат тесно мнозинство.
Изборите за Конгресот на САД ќе се одржат во ноември 2026 година, на половина од претседателскиот мандат, кога ќе се изберат сите 435 места во Претставничкиот дом и 35 од 100 места во Сенатот.
