Предлогот во собранието го поднесе Социјалистичката народна партија, која смета дека Ѓукановиќ, со своите изјави и постапки на Цетиње, на почетокот на септември грубо го нарушил членот 14 на уставот кој пропишува дека верските заедници се одвоени од државата, како и дека се слободни во вршењето на верските обреди и верските работи.
Повод беше изјавата на Ѓукановиќ од 28 август дека ќе отиде на протестот на Цетиње ако не се откаже од устоличувањето на митрополитот на СПЦ црногорско-приморски Јоаникие во тој град.
„Се надевам дека ќе бидам во ситуација на 5 септември и самиот да бидам на Цетиње, таму каде што се граѓаните, каде што е мнозинска Црна Гора и каде се брани достоинството на државата“, кажа тогаш Ѓукановиќ.
Ако Уставниот суд процени дека претседателот го нарушил уставот, собранието со гласовите на најмалку 41 пратеник може да донесе одлука за негово разрешување.
