Германската канцеларка Ангела Меркел сака Британија да ја означи како „земја од висок ризик“, бидејќи делта сојот на коронавирусот е многу распространет, додава весникот.
За тие планови ќе дискутираат високи европски и национални функционери во интегрираниот Одбор на ЕУ за одговор на политичката криза, а ќе им се спротивстават Грција, Шпанија, Кипар, Малта и Португалија, наведува весникот.
Германската канцеларка би требало следната недела да се сретне со британскиот премиер Борис Џонсон во неговата официјална резиденција на село, во вилата Чекерс.
Британија планира следниот месец да објави планови кои на целосно вакцинираните луѓе би им овозможиле непречено патување во сите земји, освен со оние со највисок ризик од коронавирусот.
