Сега Камингс е еден од оние на кои не им се верува дека она што со години го правеле таму пропаднало. Бил ранет пред точно 11 години.
Happy 10 Year Bangaversary!?? https://t.co/ujObaBxxJl pic.twitter.com/EoUdXGxJCM
— Jack Cummings (@Jack_Top4997) August 14, 2020
„Вредеше ли? Веројатно не. Ги изгубив ли нозете за ништо? Така изгледа. Дали моите соборци залудно умреа? Да. Многу емоции минуваат низ мојата глава. Гнев, предавство, тага, се само некои од нив“, напиша Камингс на Твитер.
[video:https://youtu.be/vVEzmsA37mk autoplay:0]„Борис Џонсон и Џо Бајден кажаа дека никој не умрел залудно, нека ѝ го кажат тоа во лице на некоја мајка или жена која го загубила синот или мажот. Ми се кина срцето кога гледам што се случува во Авганистан, но мојата битка е готова“, напишаа и други војници.
Поранешниот австралиски војник Марк Велс кажа за Еј-би-си дека му се скршило срцето кога видел дека Авганистан паѓа во рацете на талибанците. „Тешко е да се гледа, особено кога гледам дека сè така брзо се урива. Мислам дека сите знаеја дека иднината ќе биде многу напната во Авганистан, но мислам дека никој не очекуваше дека сè ќе се распадне така брзо“, кажа Велс.
„Сега ќе им биде тешко на семејствата на 41 австралиски војник кои загинаа во Авганистан. Се надевам дека некој од војската ќе ги посети тие семејства и ќе им објасни што се случува во Авганистан и ќе им кажеме дека во иднина и ние поинаку ќе постапуваме“, додаде.
Австралискиот премиер Скот Морисон кажа дека за слободата секогаш вреди да се бори и дека стои зад сите одлуки кои биле донесени во минатото.
