Не е прецизирано каде во Средоземното Море се урнал авионот.
Не се смета дека станувало збор за непријателско дејствување, а истрагата ќе покаже дали станува збор за техничка или човечка грешка.
„Пилотот е безбедно вратен на бродот и истрагата е во тек па би било непримерно подетално да се коментира во овој момент“, соопштија британските воздухопловни сили.
Борбениот авион од најновата генерација Ф-35 на Кралските воздухопловни сили вреден 100 милиони фунти е во морето и допрва ќе биде извлечен.
Осум британски авиони Ф-35 се наоѓаат на носачот Кралица Елизабета заедно со десет американски Ф-35. Тие се Б варијантата на млазниот авион на Локид Мартин, кој може да полета од и да слета на кратката писта на носачот.
Кралица Елизабета се враќа во Британија по повеќе од седум месеци на море на своето прво патување до Далечниот Исток и назад.
