Владата планира да дистрибуира околу 2,5 милиони дози неделно, а во таа акција околу две илјади аптеки ќе помогнат во исполнувањето на целта, пренесе британски Телеграф.
Поради стравот дека ефикасноста на вакцините би можела да почне да опаѓа, министрите планираат да ја исполнат целта со помош на аптеките, кои ќе бидат главните во дистрибуцијата на дозите, додека здравствените работници ќе се фокусираат на пациентите кои чекаат на други видови лекување.
На сите граѓани постари од 50 години, како и на имунокомпромитираните лица, ќе им биде понудена трета доза.
Кампањата треба да почне на 6 септември, а сè би требало да заврши до почетокот на декември.
