Амбасадата на Авганистан во Таџикистан побара од Интерпол да ги приведе Ашраф Гани, Хамдалах Мохиб и Фазал Махмуд Фазли под обвинение за кражба на државни пари за да може средствата да се вратат во Авганистан, објави авганистански Толоњуз повикувајќи се на извори.
The Afghan embassy in Tajikistan has asked Interpol police to detain Ashraf Ghani, Hamdallah Mohib and Fazal Mahmood Fazli on charges of stealing public wealth, so that funds could be returned to #Afghanistan, sources said.
— TOLOnews (@TOLOnews) August 18, 2021
Руската амбасада во Кабул во понеделникот соопшти дека Гани избегал од земјата со четири автомобили и хеликоптер полн со пари и дека немајќи место морал да остави дел од парите на пистата, пренесе агенцијата РИА.
Во меѓувреме, новинарот на Би-би-си, Кавун Камуш, го цитираше авганистанскиот амбасадор во Таџикистан, кој рече дека „Ашраф Гани избега со вреќи полни 169 милиони американски долари додека паѓаше Кабул“.
Afghan ambassador in Tajikistan says Ashraf Ghani escaped with bags full of 169 million US dollars when Kabul was falling.
— Kawoon Khamoosh (@KawoonKhamoosh) August 18, 2021
Министерството за надворешни работи на Обединетите Арапски Емирати потврди дека авганистанскиот претседател Ашраф Гани е во таа заливска земја.
„Министерството може да потврди дека ги прими претседателот Гани и неговото семејство од хуманитарни причини”, се вели во соопштението.
