„Денес, два месеци по најголемата светска кампања и агресија во регионот и срамниот неуспех на Америка во сопствениот план, се отвора ново поглавје во Персискиот Залив и Ормускиот теснец“, порача Хамнеи, а пренесува Ал џезира.
Хамнеи го обвини военото присуство на САД на Блискиот Исток за регионалната несигурност, која е предизвикана од конфликтот на САД и Израел против Иран. Според него, „докажано е… дека присуството на американски странци и нивното гнездење во земјите од Персискиот Залив е најважниот фактор на несигурност во регионот“. Тој додаде дека американските бази во регионот не можат да ја обезбедат ниту сопствената безбедност.
„Американските марионетски бази немаат ниту сила ниту способност да ја гарантираат сопствената безбедност, а камоли дека постои каква било надеж дека Америка ќе им обезбеди безбедност на своите зависници и на оние во регионот кои ја симпатизираат“, кажа тој.
Врховниот лидер на Иран порача дека регионот има иднина без американско влијание. Ормускиот теснец, како што кажа, „во текот на изминатите векови ја бидеше алчноста на многу непријатели“, потсетувајќи на историски настани како што е протерувањето на португалските трупи.
Според него, од почетокот на конфликтот на крајот на февруари, Иранците „со свои очи биле сведоци на прекрасните манифестации на постојаност, будност и храбра борба“ на иранските сили. Хамнеи кажа дека „светлата иднина на регионот на Персискиот Залив ќе биде иднина без Америка, во служба на напредокот, удобноста и просперитетот на неговиот народ“.
Во очигледна критика на барањата на САД за демонтирање на воените програми на Иран, Хамнеи нагласи дека Иран внимателно ќе ги чува своите нуклеарни и ракетни капацитети. Тој кажа дека Иранците ги сметаат овие капацитети за „свој национален капитал“ и дека ќе ги „чуваат како водените, копнените и воздушните граници“.
