Волков бил нападнат со чекан во главниот град на Литванија, Вилнус, изјави за Ројтерс Кира Јармиш, поранешна портпаролка на Навални.
„Леонид Волков штотуку беше нападнат пред својата куќа. Некој го скршил прозорецот од автомобилот и му испрскал солзавец во очите, по што напаѓачот почнал да го удира Леонид со чекан“, објави Јармиш на социјалните мрежи.
„Леонид сега е дома, полицијата и брзата помош се на пат кон него“, додаде таа.
Late Russian opposition leader Alexei Navalny’s long-time aide Leonid Volkov was assaulted with a hammer in the Lithuanian capital Vilnius, according to Navalny’s former spokesperson Kira Yarmysh https://t.co/APhx3mViHs pic.twitter.com/R6hxz4NZCe
— Reuters (@Reuters) March 13, 2024
Волков во нападот се здобил со скршеница на раката, модринка на челото и рана на ногата, изјави Јармиш.
Волков во објава на Телеграм рече дека се вратил дома од болница во средата по лекувањето, додавајќи дека бил удрен околу 15 пати со чекан по ногата.
An close associate of Alexei Navalny, Leonid Volkov, was attacked outside of his home. “His car window was broken with a hammer and tear gas was sprayed into his eyes, after which the assailant began to beat Mr. Volkov with the hammer.” – writes Kira Yarmysh pic.twitter.com/DJFcYIwCRp
— TV Rain Newsroom (@tvrain_english) March 12, 2024
Алексеј Навални (47) почина на 16 февруари во казнена колонија северно од Арктичкиот круг.
Според властите, најжестокиот критичар на рускиот претседател Владимир Путин се онесвестил за време на обиколката на затворскиот двор, а обидите за реанимација биле неуспешни.
Неговата сопруга и поддржувачите на опозицискиот политичар за убиството ги обвинуваат руските власти.
