Економијата, како што кажа, се урива поради недостигот од храна, гориво, лекови и електрична енергија, што го прави животот речиси неподнослив за оваа островска земја со приближно девет милиони луѓе. „Преговорите меѓу Куба и САД не покажаа напредок“, кажа Родригез на прес-конференција во Хавана.
„Однесувањето на делегациите на американската влада, кое е коректно во принцип, е придружено со постојани закани кон Куба, примена на принудни мерки и навредливи изјави во врска со независноста на нашата земја. И покрај ова, Куба е сè уште отворена за дијалог и мирно решавање на разликите, врз основа на меѓусебно почитување и немешање во внатрешните работи на Куба“, кажа тој.
Американскиот Стејт департмент не одговори веднаш на барањето за коментар за изјавите на министерот за надворешни работи. САД ја прогласија кубанската влада за закана за националната безбедност и тврдат дека се потребни санкциите за да се предизвика промена на власта, што е долгогодишна цел на американската политика кон Куба.
Куба, која се наоѓа на околу 145 километри од Флорида, долго време тврди дека не е закана за САД. Експертите на Обединетите нации претходно го нарекоа ембаргото за гориво на САД, воведено во јануари, „нелегално“ и кршење на човековите права на сите Кубанци.
Родригез кажа и дека американскиот Стејт департмент „врши притисок и ги заплашува“ членовите на Обединетите нации со цел да ја одложи претстојната дебата за блокадата на островот од страна на САД. Дебатата, закажана за 7 јули, обично претходи на главно симболично, необврзувачко гласање од страна на земјите членки подоцна во годината, со кое се повикуваат САД да ги укинат санкциите против Куба.
Обединетите нации гласаа 31 пат, вклучително и во ноември 2025 година, да побараат од САД да го прекинат децениското трговско ембарго. Овие гласови историски биле речиси едногласни, при што САД и Израел се единствените земји во опозиција.
Гласањето оваа година, меѓутоа, е од особено значење за Куба откако администрацијата на Трамп воведе ембарго за гориво во јануари и нови санкции што доведоа до одлив на странските инвестиции и речиси целосен колапс на туризмот.
Кубанските пратеници претходно овој месец одобрија сеопфатни економски реформи кои, доколку бидат донесени, би претставувале најголема промена во социјалистичкиот модел на Куба од револуцијата на поранешниот лидер Фидел Кастро во 1959 година и голем пресврт кон пазарна економија.
Родригез рече дека тие реформи, сепак, немаат никаква врска со заканите или санкциите на САД. „Усвоените реформи се прашање на суверенитет“, рече Родригез. „Ние не ги слушавме ниту не интересира мислењето на САД“, додаде тој.
