Моди јасно ја упати пораката: привременото откажување од купување злато треба да помогне во зачувувањето на девизните резерви. Индија е еден од најголемите светски увозници на злато, а таа индустрија вреди речиси 100 милијарди долари.
„Наместо во злато, подобро е да се инвестира во други сектори што носат поголема корист за економијата“, порача Моди, пренесоа индиските медиуми.
Оваа мерка би можела сериозно да го погоди секторот за накит и малопродажба на злато, кој вработува милиони луѓе низ целата земја, особено во руралните области, каде што златото претставува традиционален облик на штедење и симбол на статус.
Индија веќе подолго време се обидува да го намали увозот на злато за да го ублажи дефицитот на тековната платежен биланс, а актуелниот раст на цените на нафтата дополнително ја влоши ситуацијата.
