Скопскиот состав подобро го отвори натпреварот и по почетната негатива успеа да фати ритам, па по првата четвртина имаше водство од 25-18. Контролата продолжи и во вториот период кога ТФТ стигна и до двоцифрена предност 41-30, но до паузата Широки намали на подносливи 43-35.
Во продолжението босанскиот тим постепено се враќаше во игра и во третата четвртина се доближи на само два поени разлика 61-59. Пресвртот пристигна во последниот период кога Широки го презеде водството, но ТФТ не се предаваше и повторно ја врати предноста, влегувајќи во неизвесна завршница.
Клучниот момент се случи во самите последни секунди кога Димитрик Трајс погоди за минимална предност од 86-87. ТФТ имаше напад за победа, но обидот за три поени не заврши во кошот. Најефикасен кај шампионот беше Трајс со 32 поени, додека кај ТФТ се издвои Дарин Говенс со 23 поени.
За место во елитното натпреварување ТФТ ќе одигра двомеч против Борац Чачак, екипа која беше претпоследна во АБА лигата.
