По двата триумфа во спринт-трките и победите на главните трки на патеката Балатон Парк, Шпанецот стигна до четири победи во еден викенд. На тој начин Маркез стигна и до неговата 100-та победа во кариерата.
За Маркез ова е прва победа по триумфот во Сан Марино, по пауза од 266 дена. Рекордер по бројот на победи во кралската класа останува Валентино Роси со 89, додека Маркез сега има 74 победи во Мото ГП категоријата.
На второто место заврши Педро Акоста кој од вториот круг до средината на 15-тиот круг беше во водство. Третото место му припадна на Франческо Бањаја.
🤩 @marcmarquez93 is only the third rider ever to reach 100 wins #HungarianGP 🇭🇺 pic.twitter.com/qDAPVh0jPo
— MotoGP™🏁 (@MotoGP) June 7, 2026
Почетокот на трката го одбележа тежок инцидент уште во првиот свиок. Хорхе Мартин ја загуби контролата над моторот и ги собори Фермин Алдегер, Марко Безеки, Раул Фернандез и Фабио ди Џанантонио. Само Ди Џанантонио успеа да се врати на патеката и да ја продолжи трката.
Контроверзна беше одлуката на дирекцијата на трката да истакне само жолто знаме, иако делови од моторите беа расфрлани по патеката.
Мартин и Безеки веднаш беа префрлени во медицинскиот центар на дополнителни прегледи кои покажале дека за среќа не се здобиле со скршеници и посериозни повреди.
This start incident is being investigated ⚠️#HungarianGP 🇭🇺 pic.twitter.com/CrhNdiUluw
— MotoGP™🏁 (@MotoGP) June 7, 2026
