Димитриевски брани во фантастична форма откако доби шанса да застане како прв голман меѓу стативите на Валенсија. Неговиот договор со шпанскиот клуб истекува ова лето, но има и клаузула за продолжување до 2028 година.
И покрај тоа што сега Димитриевски царува на голот на Валенсија, овој клуб на почетокот од сезоната не покажа доверба во Македонецот и донесе голман на позајмица од Билбао, Хулен Агирезабала. Нашиот голман чекаше тој да се повреди, за да добие шанса и да покаже што знае.
Можеби тој однос на Валенсија ќе биде пресуден за Димитриевски да си замине од клубот и да не ја искористи можноста да продолжи на Местаља.
Олимпик Марсеј кој е поранешен европски шампион, заврши на петтата позиција во француското првенство и наредната сезона ќе игра во Лига Европа, Валенсија не успеа да избори место во Европа.
Не е исклучена можноста и други екипи покрај Валенсија и Марсеј да го сакаат потписот на нашиот голман со оглед на тоа што тој е слободен играч.
