Шпанскиот мотоциклист Марк Маркез, возач на Дукати, приреди вистинско изненадување на квалификациите за Големата награда на Унгарија, освојувајќи ја пол-позицијата и покрај проблемите на почетокот на Q2.
На самиот старт на вториот дел од квалификациите, тандемот на Дукати, составен од Маркез и Фабио ди Џанантонио, излета од патеката, што навести тежок ден за нив. Сепак, Маркез покажа зошто е еден од најголемите во овој спорт. Тој успеа да се врати на патеката и да постави најбрзо време од 1:36.785, оставајќи го зад себе Педро Акоста за само 53 стотинки, кој претходно се истакна на тренинзите.
Овој подвиг е уште поимпресивен ако се земе предвид дека Маркез пред помалку од еден месец го скрши стапалото и имаше операција на рамото по спринт трката во Ле Ман. Малкумина очекуваа дека толку брзо ќе се врати во врвна форма и ќе ја освои својата 76. пол-позиција во кариерата.
Зад Маркез беше Педро Акоста со време од 1:36.838, на третото место се најде Фермин Алдегвер со време од 1:37.125, додека Ди Џанантонио, и покрај лошиот старт, успеа да се пласира на четвртата позиција со 1:37.232. Лидерот во генералниот пласман, Марко Бецеки, заврши на шестото место, додека Хорхе Мартин ја освои осмата позиција.
Спринт трката е закажана за денеска во 15 часот, додека главната трка ќе се вози утре во 14 часот.
