Попладнево стартуваше новата сезона во МПФЛ, стрелците не беа расположени на отварањето, па паднаа само четири погодока на пет натпревари.
Работнички со голот на Ристевски победи со 1-0 против Борец, а истиот резултат гласеше и на мечот помеѓу Македонија ЃП и Пелистер, „лавовите“ стигнаа до три бода со погодокот на Воша.
Актуелниот шампион Шкендија никако да постигне гол, откако на четири меча во Европа не реализираше ниту еднаш, „црвено-црните“ од Тетово останаа без муниција и на гостувањето кај Тиквеш.
Шкупи исто така имаше проблем со реализацијата, клубот од Чаир одигра само 0-0 на гостувањето кај Брегалница.
Најефикасно беше на дуелот помеѓу Ренова и Скопје, каде паднаа два гола. Селмани ги донесе домаќините во водство, а Кировски се погрижи за поделба на бодовите.
ФОТО: ФК Работнички
