Астронаутите на мисијата Артемис 3 се: Андре Даглас, специјалист за мисија, Френк Рубио, специјалист за мисија, Лука Пармитано, пилот, Ренди Бресник, командант на мисијата, пренесува Би-би-си.
Боб Хајнц ќе служи како резервен член на екипажот. Тој е тест пилот кој поминал вкупно 170 дена во вселената и може да ја извршува секоја улога потребна за мисијата.
Лука Пармитано, од Италијанската вселенска агенција, ќе биде пилот на мисијата „Артемис 3“. Тој поминал повеќе од 300 дена во вселената.
.@USCG Reserve commander @Astro_AndreD is making his first spaceflight as Artemis III mission specialist. pic.twitter.com/HPu0zrxxNO
— NASA (@NASA) June 9, 2026
Екипажот ќе полета во Земјината орбита следната година од Вселенскиот центар Кенеди во Флорида, во вселенското летало „Орион“, поставено на ракета „Систем за вселенско лансирање“ (СЛС).
За време на летот, астронаутите ќе тестираат можности за средби и спојувања помеѓу вселенското летало „Орион“ и комерцијалното вселенско летало – маневри што ќе бидат од суштинско значење за идните мисии за слетување на Месечината.
Администраторот на НАСА, Џеред Ајзакман, рече дека оваа мисија претставува „враќање на Месечината“.
„Се враќаме на Месечината“, вели Ајзакмен, истакнувајќи дека планот за изградба на база на Месечината е „инспиративен потфат“ и заблагодарувајќи му се на американскиот претседател Доналд Трамп.
Тој додаде: „Ова изгледа како почеток на иднината што ја замислувавме како деца. Ова ми изгледа како самиот почеток на првата Ѕвездена Флота на Земјата“, вели тој.
