Според адвокатот Еленко Миланов, барањето за изземање на Стефанова го поднеле врз основа на поднесена кривична пријава против неа која е застапник на обвинението. Пријавата се однесува на постоење на основано сомнение за кривично дело – несовесно работење во службата како и поднесување лажни докази.
Според обвинението во предметот „Плацеви на Водно“, Никола Груевски е обвинет за делата „перење пари и за противправно стекнување и прикривање на имот”. Неговиот кум, Ристо Новачевски, бизнисмените Ненад Јосифовиќ, Јордан (Орце) Камчев и Ратка Куновска Камчева се товарат за „перење пари”, а првиот братучед на Груевски и поранешен директор на УБК, Сашо Мијалков, е обвинет за „помагање при кривично дело перење пари и други приноси од казниво дело”.
