„Да помогнеме да ги премостат бариерите со кои се соочуваат во комуникацијата со институциите. Да не заостануваме зад светот во унапредување на знаковните јазици како дел од јазичната и културната разновидност”, вели Пендаровски во видео пораката.
Претходно и премиерот Зоран Заев преку видеообраќање го честиташе Меѓународниот ден на знаковниот јазик, 23 Септември.
„Одбележувањето на овој ден нè прави дел од прогресивните заедници во светот, афирмирачи на знаковниот јазик.
Нашата Влада, преку политиките за промовирање на можностите на граѓаните од заедниците на глуви и наглуви, го едначи знаковниот јазик со сите други говорни јазици.
Тежнееме нашето општество да ја прифати во целост оваа вредност”, рече Заев.
