Смилков за МИА вели дека неговото дело е селектирано за учество на престижното 9-то Интернационално уметничко биенале во Пекинг, што ќе се одржи од 18 јануари до 1 март 2022 година. Посочува дека Меѓународното уметничко биенале во Пекинг е настан кој традиционално се одржува, а оваа година сегмент од уметничкиот дел на одбележувањето на Зимските олимписки игри.
„Моето дело „Копнеж“ беше избрано во строгиот селекциски процес од неколку селекциони нивоа. За мене претставува посебно задоволство и чест да бидам дел од ваква значајна манифестација. Делото ми беше понудено да го оставам во трајната колекција на биеналето, што ќе остави траен белег на ова остварување и уметничко претставување, мое и на мојата земја“, вели Смилков.
Инаку, скулптурата „Копнеж“ е изработена годинава од бронза. Смилков годинава во конкуренција на 78 уметници од 20 земји, ја освои Гран при наградата во Будва.
