По А.Ѓ. била распишана потерница од Одделението за криминалистички работи Чаир.
„Во полициска станица со него е извршен службен разговор во врска со извршени кривични дела на подрачјето на Шуто Оризари, при што тој појаснил дека сторил две кривични дела, и тоа ‘кражба’ и ‘тешка кражба’. Имено, на 28.10.2021 А.Ѓ. извршил ‘кражба’ од куќа на подрачјето на Шуто Оризари, сопственост на Н.Ј., при што украл електричен тротинет, кој бил пронајден и вратен на сопственикот. Делото ‘тешка кражба’ го извршил на 7.11.2021 од куќа сопственост на Ш.С., од каде украл повеќе разни предмети. Дел од нив, меѓу кои и агрегат за струја, биле пронајдени и вратени на оштетениот“, велат од МВР.
Во координација со Јавен обвинител, по документирање на случајот за двете кривични дела, против А.Ѓ. ќе биде поднесена соодветна кривична пријава.
