Возбудувањата во Канада почнаа уште на самиот старт од трката. Почетокот двапати беше одложуван поради проблемите на Арвид Линблад од Рејсинг булс, кој мораше да се врати во боксот. Антонели и Ландо Норис одлично стартуваа и веднаш го минаа Џорџ Расел, кој стартуваше од пол-позицијата, но возачот на Мекларен уште во третиот круг сфати дека погрешил со изборот на пневматици и мораше во бокс.
Во продолжението двата болида на Мерцедес водеа пред Луис Хамилтон, Макс Ферстапен и Шарл Леклер, а клучниот момент се случи во 30. круг кога моторот на Расел откажа додека беше лидер. Британецот бесно реагираше по откажувањето, а Антонели ја презеде првата позиција со голема предност пред Верстапен и Хамилтон.
Драмата не заврши тука, бидејќи и Норис подоцна се повлече од трката, додека Ферстапен и Хамилтон водеа жестока битка за второто место. Седумкратниот светски шампион конечно успеа да го мине Холанѓанецот во 62. круг и да стигне до својот најдобар пласман по доаѓањето во Ферари. На крајот, Антонели рутински стигна до нова победа, пред Хамилтон и Верстапен, додека Леклер заврши четврти, а Исак Хаџар петти.
Oh Canada, you were superb! 😎
Here are our points finishers in Canada 📈👇#F1 #CanadianGP pic.twitter.com/fh0gq5vi8w
— Formula 1 (@F1) May 24, 2026
Во генералниот пласман прв е Антонели со 131 бод, втор е неговиот клупски колега Расел со 88, следуваат возачите на Ферари, Леклер кој има 75 и Хамилтон со 72.
Kimi Antonelli extends his lead at the top of the Drivers’ Championship! 📈👀
Further down the order, Lewis Hamilton and Pierre Gasly both make gains… 👇#F1 #CanadianGP pic.twitter.com/Bfv5CUBNW2
— Formula 1 (@F1) May 24, 2026
На табелата на конструктори убедлово на врвот е Мерцедес со 219 бодови, Ферари има 147, Мекларен 106.
The Constructors’ Standings are IN after Canada! 🤩👀#F1 #CanadianGP pic.twitter.com/B169kgmkRK
— Formula 1 (@F1) May 24, 2026
