Од МВР информираат дека на 8 мај во 22:50 часот, на наплатната станица „Отовица“ на автопатот Велес-Скопје, полициски службеници од СВР Велес сопреле автобус сeтра со скопски регистарски ознаки, сопственост на правно лице од Скопје, управуван од А.Ѓ.(43) од Скопје.
Претходно, во СВР Велес била поднесена пријава од граѓанин чие малолетно дете се наоѓало во автобусот, дека возилото неколкупати останувало во дефект по пат.
Автобусот бил одземен и пренесен во станица за технички преглед за да се утврди неговата техничка исправност.
Учениците и останатите патници биле безбедно пренесени до крајната дестинација со друг автобус. По комплетирање на случајот и завршување на вонредниот технички преглед ќе бидат поднесени соодветни поднесоци.
