Според Би-би-си, поради доаѓањето на светските лидери на самитот за климата КОП26, планирани се неколку демонстрации во Глазгов.
Собирот на кој присуствуваше Грета Тунберг беше еден од десетината одржани во понеделникот.
Таа на своите колеги активисти од иницијативата „Петоци за иднината“ им порача дека промената нема да дојде од политичарите на самитот, туку од насобраните поединци, кои го преземаат водството.
Се очекува Тунберг да учествува и на големиот климатски марш во Глазгов на 5 ноември, среде конференцијата на ОН.
