„Новиот американски пасош, на кој пишува „Добредојдовте, но бидете добри!““, објави Трамп на својот профил на социјалните мрежа Трут соушл. Тој, исто така, вклучи и примерок од страницата со пасош на која се гледа неговата слика како стои над претседателската маса, со текстот од оригиналната Декларација за независност во позадина и неговиот потпис на дното. На спротивната страна се наоѓа слика од уметничкото дело „Декларација за независност“ на авторот Џон Трамбул.
Пораката на Трамп предизвика потсмев
Токму пораката на Трамп „Добредојдовте, но бидете добри!“ предизвика лавина од реакции и потсмев на социјалните мрежи.
Многу корисници истакнуваат дека американскиот претседател очигледно не ја разбира целта на документот; пораката е формулирана како предупредување до странците и имигрантите што влегуваат во земјата, додека пасошот се издава исклучиво на американски државјани што патуваат надвор од САД и имаат целосно право да влезат во сопствената земја. Затоа многу корисници на социјалните мрежи се прашуваат дали американскиот претседател воопшто знае за што служи пасошот.
Trump’s new U.S. passport includes the text: “Welcome, but be good.”
Isn’t the point of a passport that Americans use it when they travel abroad?
The message makes no sense in that context, and I don’t think Trump understands how passports work. pic.twitter.com/XLjGSRURtR
— Vatnik Soup (@P_Kallioniemi) June 27, 2026
Новиот дизајн на пасошот содржи приказ на Трамп базиран на негов портрет од Националната галерија Смитсонијан во Вашингтон. Овој дизајн се разликува од верзиите објавени од Министерството за надворешни работи претходно оваа година, во кои се користеше различна слика од претседателот.
Passports are for U.S. citizens.
So we don’t need a welcome.
And we don’t need some narcissistic president who pretends he’s a king telling us what’s an acceptable way to act.
This is what it means to be American. pic.twitter.com/5XIyJX9VkC
— Joshua Reed Eakle 🗽 (@JoshEakle) June 27, 2026
Службениот профил на Белата куќа на мрежата Икс подоцна ја сподели истата илустрација со опис „Нов американски пасош за одбележување на 250-годишнината од Америка“. На прашањето дали ова е официјалниот последен изглед на комеморативниот пасош, Белата куќа ги упати новинарите кон Министерството за надворешни работи, од кое Си-ен-ен сè уште чека официјален коментар.
