За да формираат сопствено воено воздухопловство, односно да ја обноват опремата која зад себе ја остави војската на Соединетите Американски Држави, талибанците вработиле група инженери, техничари и воздухопловни експерти.
На аеродромот можат да се видат редици напуштени и оштетени хеликоптери.
Exclusive: The Taliban says it’s working to put together its own air force.
Al Jazeera’s @osamabinjavaid obtained access to the hangar where a team of experts is working to refurbish destroyed military hardware left behind by foreign forces ⤵️ pic.twitter.com/h0GIIGxMeE
— Al Jazeera English (@AJEnglish) October 19, 2021
„Ако влезете во хеликоптерите кои се однадвор неоштетени, во пилотската кабина нема да најдете ништо освен скршено стакло и уништена опрема“, вели Осама бин Џаваид од Ал џезира.
Инженерите наведуваат дека веќе оспособиле неколку десетици хеликоптери. Талибанците под своја контрола имаат повеќе десетици авиони, повеќе стотици оклопни возила и десетици илјади пушки.
Аналитичарите наведуваат дека талибанците имаат воен арсенал сличен на некои држави од централна Азија, но спорно е дали ќе можат да го одржуваат.
„Колку се покомплицирани нештата, толку се потешки за одржување, затоа вистинското прашање не е дали талибанците ќе можат еднаш или повеќе пати да полетаат со своите авиони, туку колку долго ќе можат да го одржуваат тој систем без потребното знаење и искуство“, вели Џонатан Шроден од Си-ен-еј.
