Неколку синдикати побараа оценка на уставноста на одлуката според која работниците во државната управа од петок 1 октомври за доаѓање на работа треба да имаат потврда дека примиле најмалку една доза од вакцина против ковид-19 или дека ја преболеле заразата.
Синдикалците тврдат дека на оние кои ќе одбијат им се заканува отказ, а владата дека станува збор за привремена мерка за заштита на здравјето и нормалното функционирање на државата.
Уставниот суд оцени дека одлуката може да доведе до прекинување на договорот за работа.
„Тоа би значело не само влошување на позицијата на вработените туку би ги загрозило нивните права од работниот однос“, наведе судот во објаснувањето.
Со суспендираната одлука, која наиде на негативни критики во јавноста, би биле опфатени околу 130.000 луѓе кои до 1 октомври мораа да примат барем една доза вакцина, а до 1 ноември и втора за да можат да работат.
Владата одлуката за задолжителна вакцинација на државните службеници планираше подоцна да ја прошири на други категории од населението за да се вакцинираат 70 отсто од граѓаните.
