Русија вчера имаше 1.015 смртни случаи поврзани со ковид-19, што е највисокиот дневен број од почетокот на пандемијата. Во последните 24 часа имала 33.740 нови случаи на зараза.
Регионот на Москва останал без болнички кревети за пациентите со ковид-19, кажа неговиот гувернер. Кремљ им порачува на жителите да се вакцинираат.
Вакцинирани се само 32 отсто од жителите на Русија, а руските власти неодамна порачаа дека тоа е „неприфатливо“.
„Постои традиција на обвинување на државата за сè. Нормално, државата го чувствува и препознава својот дел од одговорноста“, кажа вчера портпаролот на Кремљ Дмитриј Песков, признавајќи дека можело да се направи повеќе за на јавноста да ѝ се објасни важноста на вакцинирањето.
„Но, сега е потребен одговорен став на сите наши државјани“, истакна Песков. „Сите мораме да покажеме одговорност и да се вакцинираме“.
