Во обраќањето до високите воени функционери Путин кажа дека Русија „соодветно“ ќе одговори на секоја западна агресија и дека ќе продолжи да ја развива својата војска.
Русија распореди десетици илјади војници долж границата со Украина, барајќи од САД и НАТО гаранции дека нема да ја примат поранешната советска република како членка на воениот пакт и дека на нејзина територија нема да распоредуваат ни оружје ни војници.
Путин укажа дека НАТО продолжи да се шири на исток по Студената војна и покрај, како што кажа, речиси сојузничките односи на Москва и Западот во тоа време.
Тој за тензиите во Европа ги обвини САД.
„Во случај да се заврши многу очигледниот агресивен став на нашите западни колеги ние ќе преземеме соодветни воени и технички мерки на одмазда, ќе реагираме цврсто на непријателските акции. На тоа имаме апсолутно право“, кажа Путин.
Тој кажа дека дури и ако на Москва ѝ се исполнат сите барања тоа сепак нема да биде доволно, обвинувајќи ги САД дека излегуваат од потпишаните договори кога тоа им одговара или го кршат меѓународното право истовремено барајќи другите да го почитуваат, наведувајќи дека му е доста од таквите манипулации.
