Појавата на новата варијанта на коронавирусот иницираше глобален одговор, бидејќи постои страв дека би можела да се шири побрзо и меѓу вакцинираните па владите воведуваат забрани за патувања и други мерки.
Бајонтек објави дека почнал да работи на вакцина за омикрон заедно со партнерот Фајзер.
Џонсон и Џонсон исто така ја анализира ефикасноста на своите вакцини против омикрон, истовремено работејќи на специфична вакцина за таа варијанта.
„Почнавме да работиме на осмислување и развој на нова вакцина за омикрон и ако затреба брзо ќе почнеме и клинички истражувања“, кажа Матаи Мамен, директор на развој во таа фармацевтска компанија.
На Модерна ќе ѝ требаат неколку месеци за да почне да ги испорачува вакцините кои дејствуваат против варијантата омикрон, кажа извршниот директор Стефан Бансел.
Русија е уверена дека нејзината вакцина Спутник V е ефикасна против новата варијанта, а во спротивно е спремна да произведе стотина милиони бустер дози.
BREAKING | K. Dmitriev, RDIF: “Gamaleya Inst believes Sputnik V & Light will neutralize #Omicron as they have highest efficacy vs other mutations. In unlikely case a modification is needed, we will provide several hundred million of Sputnik Omicron boosters by Feb 20, 2022” pic.twitter.com/2LIOvhp0JJ
— Sputnik V (@sputnikvaccine) November 29, 2021
Русите наведоа дека вакцината, која ја разви институтот Гамалеја, веројатно ќе биде ефикасна против омикрон.
„Институтот Гамалеја верува дека Спутник V и Спутник лајт ќе го неутрализираат омикрон бидејќи се ефикасни против другите мутации“, кажа Кирил Дмитриев, шеф на Рускиот фонд за директни инвестиции (РДИФ) кој е задолжен за извоз на вакцините во странство.
„Ако биде потребна модификација, што е малку веројатно, ќе обезбедиме неколку стотици милиони бустер дози од Спутник против омикрон до 20 февруари 2022 година“, напиша Дмитриев на официјалниот профил на Спутник на Твитер.
