На прашањето дали ќе има нов карантин наесен, Шпан за јавниот сервис АРД одговори: „За оние што се вакцинирани и излекувани сигурно нема да има“.
Тој смета дека е разумно вакцинираните и излекуваните луѓе да можат да уживаат одредени придобивки.
Претходно, портпаролот на германската влада, Штефен Зајберт, рече дека вакцинираните луѓе можат да сметаат на карантин само ако се појави нов сој на коронавирусот, кој би бил отпорен на вакцините.
„Можам да им порачам на вакцинираните дека, иако бројките сега растат, нема да има промени. А истото важи и за излекуваните. Во услови на ширење на делта-сојот, вакцинираните луѓе не мора да сметаат на нови ограничувања“, рече тој.
