Властите ја исклучиле можноста дека тие починале со насилна смрт, но сѐ уште не можат да ја утврдат причината за смртта. Сè уште се прават обиди да се утврдат и идентитетите на починатите.
Рибарите во четвртокот наутро го забележале бротчето како плута, па полицијата го довлекла до брегот. Портпаролот на полицијата Такара Баин изјавил дека бродот дошол од кај Карибите и дека островите Туркс и Каjкос веројатно не биле неговата дестинација.
„Ќе треба долго време да се утврди што се случило. Без оглед на околностите, ова е трагичен настан, во кој многу луѓе го загубија животот. Ние ќе сториме сѐ што можеме за да ги идентификуваме жртвите и да ги информираме нивните семејства“, рече тој.
Островите Туркс и Кајкос честопати се магнет за Хаитјанците што сакаат да избегаат од сиромаштијата, а територијата се користи и како точка за претовар од страна на трговците со луѓе. Полицијата во петокот пресретнала 40-метарски брод со повеќе од 40 мигранти од Хаити, меѓу кои имало и деца.
