„Ова е мошне позитивен развој на ситуацијата по моите средби со претседателот Александар Вучиќ и премиерот Аљбин Курти. Ова е добра вест за целиот регион. Дијалогот сега мора да продолжи“, напиша Лајен на Твитер.
Таа, исто така, го сподели твитот на специјалниот претставник на ЕУ, Мирослав Лајчак, за постигнувањето на договорот и фотографија од самиот договор.
We have a deal! After two days of intense negotiations, an agreement on de-escalation and the way forward has just been reached. I thank Besnik Bislimi and Petar Petkovic for their readiness to negotiate and agree for the good of the people. pic.twitter.com/OuhuUWvuG0
— Miroslav Lajčák (@MiroslavLajcak) September 30, 2021
„Имаме договор!“, напиша Лајчак. „По дводневните интензивни преговори, штотуку е постигнат договор за деескалација и за патот напред. Им благодарам на Бесник Бислими и Петар Петковиќ за нивната подготвеност да преговараат и да се договорат за доброто на луѓето.“
Вчера Косово се согласи да ги повлече специјалните полициски единици од северната граница со Србија, со цел да му се стави крај на спорот околу регистарските таблички, кој накратко прерасна во насилство и го поттикна НАТО да ги засили патролите.
