Цели на украинскиот ноќен напад беа трафостаниците Бахчисарај и Жимино, објави Телеграм- каналот „Ексиленова плус“. Проукраинскиот канал „Кримски ветер“ претходно извести за прекини на електричната енергија низ Крим како резултат на напади врз енергетската инфраструктура, пренесува Киев Индепендент.
Украина редовно извршува напади врз воената инфраструктура длабоко на руска територија и на окупираните територии во обид да ја поткопа способноста на Москва да ја продолжи војната.
Претходни напади на Крим
Украинската служба за безбедност (СБУ) објави на 3 јули дека во текот на ноќта нападнала две руски воени воздухопловни бази во окупираниот Крим. Во нападот, втор врз воздухопловната база Саки за една недела, беа оштетени или уништени најмалку седум воени авиони.
Според СБУ, украинските беспилотни летала погодиле седум хангари во воздухопловната база Саки, каде што Русија има борбени авиони Су-30СМ и Су-30 и бомбардери Су-24. Службата објави дека најмалку седум авиони биле уништени или оштетени во нападот.
EXPLOSIONS REPORTED IN ZAPOROZHYE
Monitoring channels are reporting several impacts in the city of Zaporozhye, specifically targeting locations on the right bank.
The strikes are stated to involve FAB guided aerial bombs, lighting up the nighttime sky over the affected urban… https://t.co/wlJXz9dYys pic.twitter.com/AjySPq9tX7
— Inside the conflict (@InsidConflict) July 5, 2026
Командантот на украинските сили за беспилотни системи (УСФ), Роберт „Маџар“ Бровди, на 2 јули извести дека неговите сили нападнале 12 трафостаници и една станица за дистрибуција на гас на териториите окупирани од Русија за време на 48-часовната операција.
Киев ги смета ваквите енергетски објекти за легитимни воени цели бидејќи тие ѝ овозможуваат на Русија воени напори против Украина.
