Демонстрантите во центарот на Истанбул носеа транспаренти како: „Не се откажуваме од Истанбулската конвенција. За нас не е готово“.
Протести беа одржани и во престолнината Анкара, крајбрежниот град Измир и други градови, секаде со масовно полициско присуство.
„Турција го врати часовникот за женските права 10 години наназад“, кажа генералната секретарка на Амнести интернешнал Агнес Каламард, нарекувајќи ја турската одлука безобѕирна и опасна порака бидејќи им овозможува на злоставувачите да избегнат казна.
#Pride2021 in Istanbul was stopped by tear gas, rubber bullets, police brutality, multiple arrests and sheer authoritarianism. And yet, LOVE is, and will always be, stronger than hatred. #onurhaftasi (Via @pistecci ) #pride pic.twitter.com/hsG3FHg24o
— Elif Shafak (@Elif_Safak) June 26, 2021
Претседателот Реџеп Таип Ердоган го најави повлекувањето на Турција од конвенцијата во март, а одлуката стапи на сила денес.
Турските власти излегувањето од документот го објаснија со тврдење дека го грабнале оние кои сакаат да ја нормализираат хомосексуалноста.
Ердоган во обраќањето кажа дека некои во Турција сакаат погрешно да ја претстават одлуката како чекор наназад.
„Нашата борба против насилството врз жените не почна со Истанбулската конвенција ниту ќе заврши со нашето повлекување“, порача тој.
[video:https://youtu.be/nbiuF84hxQE autoplay:0]Турскиот лидер смета дека државата веќе има ефикасни закони против насилството, а најави и акциски план за ширење на свеста на општеството за семејното насилство.
Истанбулската конвенција во 2011 ја создаде Советот на Европа, а претставува правна рамка на ниво на континентот за спречување и борба против насилството врз жените.
[video:https://youtu.be/s_sZh-O3PLU autoplay:0]
