На шестиот ден од самитот за климата, фокусот е на младите и јавниот ангажман. Климатските активистки Грета Тунберг и Ванеса Накате го предводат маршот на повеќе десетици илјади млади луѓе во Глазгов како дел од движењето Петоци за иднината.
Движењето Петоци за иднината од 2018 година секој петок ги повикува децата низ светот да излезат на улица и да предупредуваат на опасностите од климатските промени.
Greta Thunberg amid a crowd of thousands marching toward george square pic.twitter.com/uftW2PTm3y
— Megan Specia (@meganspecia) November 5, 2021
Швеѓанката Тунберг беше многу критична кон двонеделната конференција, тврдејќи дека таа е „најотфрлачка климатска конференција досега“ и означувајќи ја како „двонеделна прослава на вообичаениот бизнис и бла бла бла“.
Климатските активисти не се задоволни од ветувањата дадени претходно оваа недела од страна на лидерите на 120 земји на најважниот Самит на ООН КОП26.
[video:https://www.youtube.com/watch?v=SMtbJYS8e40 autoplay:0]Тие порачуваат:
„Мораме да се натераме да преземеме нешто јавно. Да ги натераме политичарите да направат повеќе“.
„Всушност да направат нешто, да дејствуваат, а не да зборуваат“.
„Имаме некои добри ветувања, но ме загрижува дали тие ќе бидат одговорни. Сакам да видам повеќе краткорочни цели“.
„Тоа е социјално прашање. Треба да го промениме целиот систем. Ни треба социјализам за да го промениме текот“.
[video:https://www.youtube.com/watch?v=yF9lpzDKz3A autoplay:0]Чарли О’Рурк (14) од Глазгов, пропуштил училиште за да присуствува на маршот со својата мајка и сестра.
Тој рече дека глобалните лидери на КОП26 мора да ги „слушаат луѓето“.
Тој изјави за новинската агенција ПА: „Слушајте што сакаат да кажат. Не одете само на профит. Слушајте што ѝ треба на планетата“.
Неговата мајка рече дека е таму за нејзините деца и за „генерациите што доаѓаат само за да покажат дека нешто мора да се случи и тоа мора да се случи многу брзо“.
Финли Прингл (14) од Улапул на Шкотските Гори, отпатувал со воз до Глазгов со својот татко за да учествува во маршот.
Тој рече: „Ако навистина, навистина сакаш нешто и сакаш да го заштитиш, без разлика што е тоа, не мора да биде протест за климата, но ако има нешто што го сакаш и сакаш да го заштитиш, тогаш треба да го направиш тоа, воопшто не се двоуми“.
Луѓе од сите возрасти се приклучија на протестот фокусиран на младите.
Меѓу нив има и група мајки од целиот свет, меѓу кои е и Розамунд Аду Киси Дебра, чија ќерка Ела починала од напад на астма како последица на големото загадување на воздухот.
Групата, исто така, ќе предаде писмо до КОП26 во кое ќе повика на прекин на натамошното финансирање фосилни горива заради здравјето и иднината на нивните деца.
Денешниот протест е вовед во маршевите в сабота, кога повторно се очекуваат десетици илјади луѓе во Глазгов, како и маршеви во градовите низ целиот свет.
