Четиридневниот фестивал, на кој се очекува да учествуваат околу 40.000 луѓе, се одржува додека бројот на новозаразени лица низ целата земја се зголемува. За да присуствуваат на музичкиот настан, посетителите мора да бидат целосно вакцинирани или да имаат негативен тест на ковид-19.
„Размислувам вака: Кога повторно ќе се отвориме, ако не сега?“, вели 21-годишната Кети Мекена, пренесе Ројтерс.
Луѓето на фестивалот не мора социјално да се дистанцираат или да носат заштитна маска, а организаторите поставиле отворени шатори и инсталирале прочистувачи на воздухот за борба против ширењето на вирусот.
„Сите планови и бендови се подготвени, а луѓето се очајни и сакаат да дојдат, да свират, да работат и повторно да уживаат, а тоа е она што ние им го овозможуваме“, рече организаторот на фестивалот, Мелвин Бен.
Меѓу другите, на фестивалот учествуваат Дејмон Албарн, Вулф Алис, Рудиментал и Кемикал брадерс.
