Соновал официјално ја потврди смртта на тројцата индиски државјани утрово, откако Министерството за надворешни работи на земјата вчера објави дека тројца морнари се водат како исчезнати, додека преостанатите 21 член на екипажот се спасени. Во официјалното соопштение од индиското министерство не се споменува американската војска или поморската блокада.
Соновал првично ја сподели следната изјава, а потоа ја избриша: „Длабоко сум натажен од веста за трагичниот инцидент на танкерот МТ Сетебело, кој плови под знамето на Палау. За жал, тројца индиски морнари, кои првично беа пријавени како исчезнати, сега се потврдени како мртви откако беа пронајдени две тела.
Ова е огромна загуба за нашето поморско семејство. Владата на Моди цврсто стои со ожалостените семејства во ова тешко време и е целосно посветена на обезбедување поддршка на нивните најблиски.
Им наложив на службените лица да обезбедат итна репатријација на спасените членови на екипажот и брз транспорт на смртните останки на починатите за нивните последно испраќање“, се вели во објавата на Соновал.
Нападот се случи вчера кога, според официјалното соопштение на американската војска, американски воен авион испукал „прецизно водечка муниција“ директно во машинската просторија на танкерот М/Т Сетебело, кој плови под знамето на Палау.
U.S. Central Command (CENTCOM) has announced that U.S. forces have disabled the eighth ship in support of the U.S. naval blockade of Iran last night at 11:14pm E.T. by firing on the Palau-flagged motor tanker ‘Settebello’ in the Gulf of Oman following the vessel’s refusal to… pic.twitter.com/qfEQzWT6Bq
— OSINTdefender (@sentdefender) June 10, 2026
Танкерот бил нападнат од американските сили додека се обидувал да ја пробие американската поморска блокада на иранските пристаништа, носејќи иранска нафта. Тоа е осмиот трговски брод што американската војска го онеспособи во водите околу Иран откако беше воведена блокадата.
Централната команда на САД (Центком) соопшти дека американските сили издале официјално предупредување до екипажот пред да отворат оган врз танкерот.
