Тие ќе се приклучат на припадниците на Националната гарда кои американскиот претседател Доналд Трамп ги активираше во текот на викендот, без одобрение од гувернерот на Калифорнија или градоначалникот на Лос Анџелес.
Распоредувањето на цел баталјон маринци претставува значителна ескалација по употребата на војската од страна на Трамп како демонстрација на сила против демонстрантите, но сè уште не е јасно каква точно ќе биде нивната задача во Лос Анџелес, наведуваат изворите. Како и членовите на Националната гарда, на маринците им е забрането да вршат полициски овластувања како што се апсења, освен ако претседателот не го активира Законот за бунт.
Еден извор близок до мобилизацијата на маринците кажал дека тие ќе служат за поддршка на присуството на Гардата на терен во Лос Анџелес.
Трамп активираше повеќе од 2.000 припадници на Националната гарда од Калифорнија, но досега само околу 300 од нив се распоредени на улиците. Се очекува маринците делумно да ги заменат припадниците на Гардата кои беа во градот во последните два дена.
